දොඩන්වල කැටේ (දොඩන්වල, මහනුවර)

 මහනුවර නගරයට ආසන්නයේ දොඩන්වල පිහිටා ඇති කැටේ ඉතා සුන්දර ස්ථානයක්. මහවැලි ගඟේ විශේෂිතවූ පිහිටීමක් නිසා දූපත් කිහිපයක් ද මෙහි දක්නට ලැබේ. ගඟ ඔස්සේ මෙම දූපත් වෙතට යා හැකිය.

ගම්වාසීන් අතර ප්‍රචලිත නාන තැනක් වන දොඩන්වල කැටේ යහළුවන් සමග විනෝද වීමට කදිමයි.

කොළඹ සිට පැමිණෙන විට ගන්නෝරුව කෘෂි පර්යේෂණ ආයතනය පසු කර ගැටඹේ පාලමට කලින් හල්ලොළුව පාරට(වමට) හැරවිය යුතුයි. පාරේ ටික දුරක් ගමන් කරන විට පාරේ දකුණු පසින් දොඩන්වල පාලම හමු වේ.

දොඩන්වල පාලම හරහා ගොස් දකුණට හැරවිය යුතුයි. පසුව හමුවුණ දෙවන රාජසිංහ මාවත ( පේරාදෙණිය පාර)ට හැරවිය යුතුයි. මෙම පාර අපි ගමන් ගන්නා මාර්ගය ට දකුණු පසින් පිහිටයි.
දෙවන රාජසිංහ මාවතේ 100m පමණ ගියවිට දෙවන වංගුවේ දකුණු පස ගඟට බැසීමට අඩි පාරක් පවතී. වාහන පාරේ සුදුසු තැනක නවතා මෙම අඩි පාර ඔස්සේ දොඩන්වල කැටේ වෙත ළගා විය හැක.
අපි යන දවස් වල වැස්ස වැඩි නිසා ගඟ  බොර වී, වතුර පාරද සැර වී තිබුණා. ඒ නිසා නාන්නවත් දූපත් වලට යන්නවත් අපිට බැරිවුණා. දොඩන්වල කැටේ ට නාන්න එනවා නම් ගෙන එන පොලිතීන් ඇතුළු (විශේෂයෙන් නොදිරන) ද්‍රව්‍ය සියල්ලම ආපසු ගෙන යන්න අමතක කරන්න එපා.

මෙම ස්ථානය ගැන අපි කරපු වීඩියෝ එක බලන්න පහත ලින්ක් එක ක්ලික් කරන්න
https://youtu.be/5FyNc04dFeg